• ကိုဗစ်-၁၉ စီးပွားရေးသက်ရောက်မှု ကုစားရေး ချေးငွေများ

    Posted in ဘတ်ဂျက် ပွင့်လင်းမြင်သာမှု on Jul 07, 2020

    ကိုဗစ် - ၁၉ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုအပေါ် ကုစားရေးလုပ်ငန်းကော်မတီမှာ လုပ်ငန်းတာဝန် (၆) ရပ်ရှိပြီး “ပြည်တွင်း အသေးစား၊ အငယ်စားနှင့် အလတ်စားစီးပွားရေးလုပ်ငန်းများ အပေါ် COVID-19 ဖြစ်စဉ် သက်ရောက်မှုကြီးမားလာပါက အခွန်ကင်းလွတ်ခွင့်နှင့် သက်သာခွင့်များပေးရေး နိုင်ငံတော်သမ္မတရုံးသို့ သုံးသပ်တင်ပြရန်” နဲ့ “လိုအပ်ပါက ပြည်တွင်းစီးပွားရေးလုပ်ငန်းများအတွက် သက်သာသည့် အတိုးနှုန်းဖြင့် ချေးငွေများ ထုတ်ပေးနိုင်ရေး နိုင်ငံတော်သမ္မတရုံးသို့ သုံးသပ်တင်ပြရန်” ဆိုတဲ့ အချက်တွေ ပါဝင်ပါတယ်။ ဒီလုပ်ငန်းတာဝန်အတိုင်း စီးပွားရေးလုပ်ငန်းတွေကို အစိုးရက သက်သာတဲ့ အတိုးနှုန်းနဲ့ ချေးငွေချထားမှုတွေ စတင်ခဲ့တာဟာ အခုဆိုရင် သတ္တမအကြိမ်မြောက် ရှိနေပြီဖြစ်ပြီး လုပ်ငန်းပေါင်း ၃၄၀၁ ခုကို ချေးငွေချထားပေးပြီး ဖြစ်ပါတယ်။

  • ၂၀၁၉-၂၀ ထပ်တိုးဘတ်ဂျက် အစိုးရအဖွဲ့ ဘတ်ဂျက်အဆိုပြုလွှာ အနှစ်ချုပ်

    Posted in ဘတ်ဂျက် ပွင့်လင်းမြင်သာမှု on May 14, 2020

    ထပ်တိုးဘက်ဂျက် တောင်းခံမှုတွေမှာ အဓိကအနေနဲ့ ဝန်ထမ်းလစာ/ချီးမြှင့်ငွေ/ခရီးစရိတ်/ပင်စင်၊ အတိုးပေးငွေ၊ အရင်းပေးဆပ်ရန် ထပ်မံလိုငွေ၊ နိုင်ငံတော်ကို ပေးဆောင်ရမည့် အခွန်၊ လျှပ်စစ်မီတာခ တိုးမြှင့်မှုကြောင့် ထပ်မံလိုငွေ (နိုင်ငံပိုင်စီးပွားရေးလုပ်ငန်းများအတွက်)၊ ထပ်မံရရှိမယ့် ပြည်ပ အကူအညီ/ချေးငွေတွေအတွက် သုံးစွဲရမယ့် စရိတ်၊ ဆောင်ရွက်ဆဲ တည်ဆောက်ရေး လုပ်ငန်းတွေနဲ့ မြေယာလျော်ကြေးတွေအတွက် တောင်းခံထားတာ ဖြစ်ပါတယ်။

  • ၁၉-၂၀ ပညာရေး ဘတ်ဂျက်

    Posted in ဘတ်ဂျက် ပွင့်လင်းမြင်သာမှု on Feb 20, 2020

    ပညာရေးဝန်ကြီးဌာနက လက်ရှိ ၂၀၁၉-၂၀၂၀ ဘဏ္ဍာနှစ်အတွက် ကျပ်သန်းပေါင်း ၂,၆၉၃,၃၈၂.၉၈၂ သန်း သုံးစွဲဖို့ လျာထားပါတယ်။ ဒီထဲမှာ သာမန်အသုံးစရိတ်အတွက် စုစုပေါင်းရဲ့ ၇၂ % နဲ့ ၂၈ % ကတော့ ငွေလုံးငွေရင်း အသုံးစရိတ် ဖြစ်ပါတယ်။

  • ရန်ကုန်တိုင်းစာရင်းစစ်ချုပ်အစီရင်ခံစာ - ထုတ်လုပ်ရေးနဲ့ ဈေးများဌာန

    Posted in ဘတ်ဂျက် ပွင့်လင်းမြင်သာမှု on Feb 05, 2020

    ဌာနပိုင်မြေနဲ့ အဆောက်အဦတွေကို ငှားရမ်းတဲ့နေရာမှာ ငှားရမ်းခဟာ ကာလပေါက်ဈေးနဲ့ မကိုက်ညီတာ၊ ငှားရမ်းသူတွေက တခြားသူတွေကို ထပ်ဆင့်ငှားရမ်းတာကြောင့် နိုင်ငံတော်က ရသင့်ရထိုက်တဲ့ ဝင်ငွေတွေ ဆုံးရှုံးမှုဖြစ်ပေါ်နေတာကြောင့် ငှားရမ်းမှုတာဝန်ခံ စစ်ဆေးရေးအဖွဲ့တွေက ဒေသအလိုက် ကာလပေါက်ဈေးတွက်ချက်ပြီး သမ္မတရုံးညွှန်ကြားချက်တွေနဲ့အညီ ငှားရမ်းဆောင်ရွက်ကြဖို့ လိုအပ်နေတယ်လို့ တိုင်းစာရင်းစစ်ချုပ်က ဆိုထားပါတယ်။

  • ရန်ကုန်စာရင်းစစ်ချုပ်အစီရင်ခံစာ - တိုင်းအစိုးရ ရင်းနှီးမြှုပ်နှံထားတဲ့ ကုမ္ပဏီလေးခု ဘဏ္ဍာရေးအခြေအနေ

    Posted in ဘတ်ဂျက် ပွင့်လင်းမြင်သာမှု on Jan 28, 2020

    ရန်ကုန်တိုင်းဒေသကြီး အစိုးရအဖွဲ့ဟာ ၂၀၁၇-၁၈ ဘဏ္ဍာနှစ်အထိ ကျပ်သန်းပေါင်း ၁၃၄,၀၀၀ ကို ကုမ္ပဏီလေးခုမှာ ရင်းနှီးမြှုပ်နှံခဲ့ပါတယ်။ အဲဒီကုမ္ပဏီတွေကတော့ Yangon Metropolitan Development Public Co.,Ltd (YMD)၊ ရန်ကုန်ဘတ်စ်ကားအများနှင့်သက်ဆိုင်သော ကုမ္ပဏီလီမိတက် (YBPC)၊ ရန်ကုန်မြို့ပြ အများပြည်သူ သယ်ယူပို့ဆောင်ရေး အများနှင့် သက်ဆိုင်သော ကုမ္ပဏီလီမိတက် (YUPT) နဲ့ New Yangon Development Co.,Ltd (NYDC) တို့ ဖြစ်ပါတယ်။ 

  • မူဝါဒအနှစ်ချုပ် - အစိုးရရဲ့ ဝယ်ယူခြင်း

    Posted in ဘတ်ဂျက် ပွင့်လင်းမြင်သာမှု, ဥပဒေရေးရာ သုတေသန on Jan 22, 2020

    အစိုးရရဲ့ ဝယ်ယူခြင်းကို စီမံခန့်ခွဲဖို့ သဘောတရားတွေနဲ့ လုပ်ငန်းစဉ်တော်တော်များများဟာ အဓိကအားဖြင့် အကျင့်ပျက်ခြစားမှုတွေကို လျှော့ချနိုင်ဖို့ ရည်ရွယ်ကြပါတယ်။ အစိုးရရဲ့ ဝယ်ယူခြင်းမှာ အကျင့်ပျက်ခြစားမှု ဖြစ်နိုင်ချေ မြင့်မားစွာ ရှိပါတယ်။ အကြောင်းရင်းက ပါဝင်တဲ့ ဘဏ္ဍာရေးပမာဏ ကြီးမားတာ နဲ့ ဝယ်ယူခြင်းလုပ်ငန်းစဉ်တွေရဲ့ ရှုပ်ထွေးခက်ခဲမှုတွေကြောင့် စီးပွားရေးလုပ်ငန်းရှင်တွေဟာ အစိုးရအရာရှိတွေ၊ နိုင်ငံရေးသမားတွေနဲ့ နီးကပ်စွာ ဆက်ဆံလာသောကြောင့် ဖြစ်ပါတယ်။ နိုင်ငံရေးသမားတွေ၊ ပြည်သူ့ဝန်ထမ်းတွေရဲ့ အကျိုးစီးပွားဟာ အများပြည်သူရဲ့ အကျိုးစီးပွားနဲ့ တစ်ထပ်တည်း တူညီခြင်း မရှိတာကို တွေ့ရပါတယ်။

  • ဝေဖန်သံတွေ ရှိနေတဲ့ ရန်ကုန်တိုင်းစာရင်းစစ်ချုပ်အစီရင်ခံစာထဲက စိတ်ဝင်စားဖွယ် အချက်အလက်အချို့

    Posted in ဘတ်ဂျက် ပွင့်လင်းမြင်သာမှု on Jan 17, 2020

    ရွေးကောက်ခံ လွှတ်တော်ကိုယ်စားလှယ်တွေကိုတောင် မဖြန့်ဝေခဲ့တာကြောင့် လူစိတ်ဝင်စားမှု မြင့်မားနေတဲ့ ရန်ကုန်တိုင်းစာရင်းစစ်ချုပ်ရဲ့ ၂၀၁၇-၂၀၁၈ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာမှာ ဘာတွေ ပါဝင်နေလို့ပါလဲ။ အစီရင်ခံစာ အကျဉ်းချုပ်ကို စာရင်းစစ်ချုပ်ကိုယ်တိုင် လွှတ်တော်မှာ တင်ပြခဲ့ပြီး၊ ဒီဆွေးနွေးတင်ပြချက်တွေနဲ့ ပတ်သက်လို့ အများပြည်သူ လွယ်လင့်တကူ သိရှိနားလည်စေဖို့အတွက် အာနန္ဒာက စိတ်ဝင်စားဖွယ် အကြောင်းအရာအချို့ကို ကောက်နုတ်ဖော်ပြလိုက်ရပါတယ်။

  • အားလုံးလက်လှမ်းမီ ကျန်းမာရေးအတွက် “များများသုံး၊ အကျိုးရှိရှိသုံး”

    Posted in ဘတ်ဂျက် ပွင့်လင်းမြင်သာမှု on Dec 12, 2019

    ဒီနေ့ ဒီဇင်ဘာလ ၁၂ ရက်ဟာ “အားလုံး လက်လှမ်းမီ လွှမ်းခြုံနိုင်သော ကျန်းမာရေးစောင့်ရှောက်မှု အထိမ်းအမှတ်နေ့” – Universal Health Coverage Day ဖြစ်ပါတယ်။ ကုလသမဂ္ဂက ၂၀၁၉ ခုနှစ်မှာ အားလုံးလက်လှမ်းမှီ လွှမ်းခြုံနိုင်သော ကျန်းမာရေးစောင့်ရှောက်မှုအတွက် အရေးကြီးတဲ့ တောင်းဆိုချက်ခြောက်ချက်နဲ့ ဆင်နွှဲမှာ ဖြစ်ပါတယ်။ အဲဒီထဲမှာ Investment More, Invest Better (များများသုံး၊ အကျိုးရှိရှိသုံး) ဆိုတဲ့ အချက် ပါဝင်တာဖြစ်တဲ့အတွက် အစိုးရဘတ်ဂျက်အချက်အလက်တွေ အများပြည်သူ အလွယ်တကူ ရရှိရေးဆောင်ရွက်နေတဲ့ အာနန္ဒာအနေနဲ့လည်း ဒီနှစ်အတွက် ကျန်းမာရေးဘတ်ဂျက်အခြေအနေကို သုံးသပ်တင်ပြရင်း တစ်တပ်တစ်အား ပါဝင်ဆင်နွှဲလိုက်ပါတယ်။

  • ဥပဒေကြမ်းအနှစ်ချုပ် - အသေးစားငွေရေးကြေးရေးဥပဒေကြမ်း

    Posted in ဘတ်ဂျက် ပွင့်လင်းမြင်သာမှု, ဥပဒေရေးရာ သုတေသန on Oct 29, 2019

    အသေးစားငွေရေးကြေးရေး လုပ်ကိုင်မယ့် အဖွဲ့အစည်းတွေဟာ မြန်မာနိုင်ငံကုမ္ပဏီများဥပဒေနဲ့ အစုစပ်လုပ်ငန်းဥပဒေတွေနဲ့ ဖွဲ့စည်းတည်ထောင်ထားတဲ့ အဖွဲ့အစည်း ဖြစ်ရပါမယ်။ အသေးစားငွေရေးကြေးရေး အဖွဲ့အစည်းတွေအတွက် လိုင်စင်ထုတ်ပေးတာ ဒါမှမဟုတ် ရုပ်သိမ်းတာ ဒါမှမဟုတ် ပယ်ဖျက်တဲ့အခါတိုင်းမှာ မြန်မာနိုင်ငံပြန်တမ်းမှာ ထုတ်ပြန်ကြေငြာရပါမယ်။

  • ရန်ကုန်တိုင်းစာရင်းစစ်ချုပ်အစီရင်ခံစာ လွှတ်တော်ကို တင်သွင်းခြင်းမရှိတာ ဥပဒေနဲ့ ညီသလား

    Posted in ဘတ်ဂျက် ပွင့်လင်းမြင်သာမှု on Oct 17, 2019

    ပွင့်လင်းဘတ်ဂျက်စစ်တမ်းတွေမှာ စာရင်းစစ်ချုပ်အစီရင်ခံစာကို အရေးကြီးတဲ့ ဘတ်ဂျက်စာရွက်စာတမ်း ရှစ်မျိုးအနက် တစ်ခုအပါအဝင်ဖြစ်ဖော်ပြခံရတဲ့ အစီရင်ခံစာဖြစ်ပါတယ်။ လွှတ်တော်တစ်ရပ်အနေနဲ့ အစိုးရကို စိစစ်ထိန်းကျောင်းနိုင်ရေးမှာ အလွန်အရေးကြီးတဲ့ စာရွက်စာတမ်းဖြစ်တဲ့အတွက် စာရင်းစစ်ချုပ်အစီရင်ခံစာဟာ စာရင်းစစ်ချုပ်နဲ့ ကော်မတီလောက်တင် သက်ဆိုင်တာ မဟုတ်ပါဘူး။ စာရင်းစစ်ချုပ်အစီရင်ခံစာဟာ လူထုက ရွေးချယ် တာဝန်ပေးထားတဲ့ လွှတ်တော်ကိုယ်စားလှယ်အားလုံးနဲ့ သက်ဆိုင်ပါတယ်။