• မဲပေးခြင်း၊ မဲမပေးခြင်းနှင့် ဒီမိုကရေစီ

    Posted in စိတ်ကူးစိတ်သန်း ရှေ့ခြေလှမ်းများ on Aug 06, 2020

    ဒီမိုကရေစီစနစ်မှာ သတ်မှတ်ထားတဲ့ အသက်အရွယ်ရောက်သူအားလုံး ရွေးကာက်ပွဲမှာ မဲပေးနိုင်ခွင့် အခွင့်အရေးကို ဥပဒေနဲ့ အခိုင်အမာကာကွယ်ပေးထားရမှာဖြစ်ပေမယ့် ဘယ်ပါတီ၊ ဘယ်ပုဂ္ဂိုလ်ကိုမှ မကြိုက်နှစ်သက်တော့လို့ မဲမပေးတော့မယ့်သူတွေရဲ့ အခွင့်အရေးကိုလည်း အလေးထား လေးစားရမှာ ဖြစ်ပါတယ်။ နိုင်ငံအချို့က ရွေးကောက်ပွဲတွေမှာ ဘယ်ပါတီ၊ ဘယ်ပုဂ္ဂိုလ်ကိုမှ မနှစ်သက်တော့ရင် နောက်ထပ် ရွေးချယ်ခွင့် တစ်ခုကို ဆန္ဒမဲလက်မှတ်ထဲမှာ ထည့်သွင်း ပေးထားပါတယ်။ အဲဒါကတော့ ဝင်ရောက်ယှဉ်ပြိုင်ကြတဲ့ ကိုယ်စားလှယ်လောင်းတွေကို မကြိုက်နှစ်သက်ကြောင်း ပေါ်လွင်စေတဲ့ ကာတွန်းပုံ၊ ရုပ်ပုံတစ်ခုခုကို မဲပေးစေခြင်းဖြစ်ပြီး ပယ်ချခွင့် (Right to Reject) ကို မဲဆန္ဒရှင်အခွင့်အရေးအဖြစ် ထည့်သွင်းပေးထားတာ ဖြစ်ပါတယ်။ အဲဒါကို ဥပဒေနဲ့ အတိအကျပြဋ္ဌာန်းထည့်သွင်းထားတာဖြစ်ပြီး ပယ်ချတဲ့ မဲအရေအတွက်က သတ်မှတ်ထားတဲ့ အရေအတွက်ကို ရောက်ရှိသွားတယ်ဆိုရင် အဲဒီ မဲဆန္ဒနယ်အတွက် နောက်ထပ် ရွေးကောက်ပွဲပြန်လည် ကျင်းပရမယ်ဆိုတာမျိုးအထိ စဉ်းစားနိုင်ပါတယ်။

  • မိတ်ဆက် နှင့် အနှစ်ချုပ် - ၁၉၅၉ ခုနှစ် တပ်မတော်အက်ဥပဒေကို ပြင်ဆင်သည့် ဥပဒေကြမ်း

    Posted in ဥပဒေရေးရာ သုတေသန on Jul 30, 2020

    ၁၉၅၉ ခုနှစ် အက်ဥပဒေကို ပြင်ဆင်ခဲ့ရာမှာ ၅ ကြိမ် ရှိခဲ့ပြီး ၁၉၆၀၊ ၁၉၆၁၊ ၁၉၆၂၊ ၁၉၈၉ နဲ့ ၂၀၁၀ တွေမှာ ပြင်ဆင်ခဲ့တာ ဖြစ်ပါတယ်။ ဒီပြင်ဆင်ချက်ဥပဒေကြမ်းကိုတော့ Singapore Armed Forces Act, 1972 နဲ့ The Indian Army Act, 1950 တို့ကို ကိုးကားပြီး ရေးဆွဲတင်သွင်းလာတယ်လို့ သိရပါတယ်။ တင်သွင်းရတဲ့ အကြောင်းရင်းကတော့ အရေးယူထိုက်တဲ့ ပြစ်မှုကျူးလွန်သူ တပ်မတော်သားတွေကို အရေးယူခံရခြင်းမှ မကင်းလွတ်စေဖို့ နဲ့ စစ်စည်းကမ်းထိန်းသိမ်းဖို့အတွက်လို့ ဆိုပါတယ်။

  • ပြင်ဆင်ရေး အားထုတ်ခဲ့မှုများနှင့် လူမှုအပြောင်းအလဲထက် နောက်ကျနေဆဲ ဖွဲ့စည်းပုံအခြေခံဥပဒေ

    Posted in ဥပဒေရေးရာ သုတေသန on Jul 29, 2020

    လူ့အခွင့်အရေးမှသည် အမျိုးသမီးအခွင့်အရေး၊ တိုင်းရင်းသားအခွင့်အရေး နဲ့ အလုပ်သမားအခွင့်အရေးအထိ ကျယ်ပြန့်ထိရောက်တဲ့ အကာအကွယ်၊ အာမခံတွေ တောင်းဆိုနေတာကို တွေ့နိုင်မှာ ဖြစ်ပါတယ်။ ဒီလို အပြောင်းအလဲ၊ တောင်းဆိုမှုနဲ့ လိုလားမှုတွေအတွက် ၂၀၀၈ ဖွဲ့စည်းပုံအခြေခံဥပဒေကို ပြင်ဆင်ဖို့ အချိန်နဲ့ အကုန်အကျတွေ များပြားနေရင် ဖွဲ့စည်းပုံအခြေခံဥပဒေတစ်ရပ်ရဲ့ လုပ်ငန်းဆောင်တာကို ပျက်ကွက်ရာ ကျပါမယ်။ အဲဒါကြောင့် လူမှုအသိုင်းအဝိုင်းကိုအပြောင်းအလဲနဲ့အညီ လိုက်ပါပြောင်းလဲပေးနိုင်ဖို့အတွက် ဖွဲ့စည်းပုံအခြေခံဥပဒေ ပြင်ဆင်ခြင်းဆိုင်ရာ အဟန့်အတားတွေကို သက်ဆိုင်သူအားလုံးအနေနဲ့ ဓမ္မဓိဋ္ဌာန်ကျကျ စဉ်းစားသုံးသပ်မှသာ လူမှုရေးပဋိဉာဉ်တစ်ခုဖြစ်တဲ့ ဖွဲ့စည်းပုံအခြေခံဥပဒေဟာ ပြည်သူတစ်ရပ်လုံးကို ကိုယ်စားပြုနိုင်မှာ ဖြစ်ပါတယ်။

  • ကိုဗစ်-၁၉ စီးပွားရေးသက်ရောက်မှု ကုစားရေး ချေးငွေများ

    Posted in ဘတ်ဂျက် ပွင့်လင်းမြင်သာမှု on Jul 07, 2020

    ကိုဗစ် - ၁၉ကြောင့် ဖြစ်ပေါ်လာနိုင်သည့် စီးပွားရေးသက်ရောက်မှုအပေါ် ကုစားရေးလုပ်ငန်းကော်မတီမှာ လုပ်ငန်းတာဝန် (၆) ရပ်ရှိပြီး “ပြည်တွင်း အသေးစား၊ အငယ်စားနှင့် အလတ်စားစီးပွားရေးလုပ်ငန်းများ အပေါ် COVID-19 ဖြစ်စဉ် သက်ရောက်မှုကြီးမားလာပါက အခွန်ကင်းလွတ်ခွင့်နှင့် သက်သာခွင့်များပေးရေး နိုင်ငံတော်သမ္မတရုံးသို့ သုံးသပ်တင်ပြရန်” နဲ့ “လိုအပ်ပါက ပြည်တွင်းစီးပွားရေးလုပ်ငန်းများအတွက် သက်သာသည့် အတိုးနှုန်းဖြင့် ချေးငွေများ ထုတ်ပေးနိုင်ရေး နိုင်ငံတော်သမ္မတရုံးသို့ သုံးသပ်တင်ပြရန်” ဆိုတဲ့ အချက်တွေ ပါဝင်ပါတယ်။ ဒီလုပ်ငန်းတာဝန်အတိုင်း စီးပွားရေးလုပ်ငန်းတွေကို အစိုးရက သက်သာတဲ့ အတိုးနှုန်းနဲ့ ချေးငွေချထားမှုတွေ စတင်ခဲ့တာဟာ အခုဆိုရင် သတ္တမအကြိမ်မြောက် ရှိနေပြီဖြစ်ပြီး လုပ်ငန်းပေါင်း ၃၄၀၁ ခုကို ချေးငွေချထားပေးပြီး ဖြစ်ပါတယ်။

  • မိတ်ဆက် နှင့် အနှစ်ချုပ် - တရားမကျင့်ထုံးဥပဒေကို ပြင်ဆင်သည့် ဥပဒေကြမ်း

    Posted in ဥပဒေရေးရာ သုတေသန on Jun 11, 2020

    အခု ပြင်ဆင်ချက်ဟာ တရားရုံးက ဦးဆောင်တဲ့ စေ့စပ်ဖြေရှင်းရေး အစီအစဉ် နဲ့ ဆက်စပ်နိုင်ပြီး တရားမကျင့်ထုံးဥပဒေရဲ့ ပဉ္စမပိုင်းဖြစ်တဲ့ “အထူးအမှုများ” အောက်ရှိ “အနုညာတစီရင်ဆုံးဖြတ်ခြင်း” အခန်းမှာ အသစ်ထည့်သွင်းတာ ဖြစ်ပါတယ်။ ဥပဒေကြမ်းမှာ စေ့စပ်ဖြေရှင်းရေး ဆိုတဲ့ စကားရပ်ကို ရှင်းလင်းချက် ပေးထားပြီး တရားရုံးက ဘယ်လို အမှုတွေကို စေ့စပ်ဖြေရှင်းပေးနိုင်တယ်၊ ဘယ်လို စေ့စပ်ဖြေရှင်းပေးရမယ် ဆိုတာနဲ့ ရရှိလာတဲ့ သဘောတူညီချက်တွေကို ဘယ်လို အတည်ပြုပေးရမယ် ဆိုတဲ့ ပုဒ်မတွေ ပါဝင်ပါတယ်။

  • မိတ်ဆက် နှင့် အနှစ်ချုပ် - ဆေးပစ္စည်းကိရိယာ ဥပဒေကြမ်း

    Posted in ဥပဒေရေးရာ သုတေသန on May 25, 2020

    ‌ဥပဒေကြမ်းမှာ ဆေးပစ္စည်းကိရိယာ အမျိုးအစား ခွဲတာ၊ အရည်အသွေးကိုက်ညီမှု အကဲဖြတ်ဆန်းစစ်တာ၊ မှတ်ပုံတင်တာ၊ လိုင်စင် ဒါမှမဟုတ် ထောက်ခံချက် လျှောက်တာ၊ ထုတ်ပေးတာ၊ အညွှန်းအမှတ်အသား ဖော်ပြတာ၊ ကြော်ငြာတာ၊ စျေးကွက်စောင့်ကြည့်စစ်ဆေးတာနဲ့ ဆိုးကျိုးဖြစ်ရပ်တွေ သတင်းပေးပို့တာ နဲ့ ဆေးပညာရပ်ဆိုင်ရာ စူးစမ်းစမ်းသပ်မှု ပြုလုပ်တာ စတဲ့ ပြဋ္ဌာန်းချက်တွေ ပါဝင်ပါတယ်။

  • မိတ်ဆက် နှင့် အနှစ်ချုပ် - တိုက်ရိုက်ရောင်းချခြင်း ဥပဒေကြမ်း

    Posted in ဥပဒေရေးရာ သုတေသန on May 22, 2020

    အရောင်းကိုယ်စားလှယ်တွေဟာ ကုန်စည်/ဝန်ဆောင်မှုတွေကို ရောင်းချဖို့ ကမ်းလှမ်းကြော်ငြာရာမှာ ဆက်သွယ်ရမယ့် အချက်အလက်တွေကို ထုတ်ဖော်ပြောဆိုတာ၊ ကုန်စည်/ဝန်ဆောင်မှုနဲ့ ပတ်သက်ပြီး ဘေးထွက်ဆိုးကျိုးနဲ့ ထပ်မံကုန်ကျနိုင်တဲ့ စရိတ်တွေကို စားသုံးသူဆီ မရောင်းချမီ ကြိုတင်ရှင်းလင်းတာ၊ ရောင်းချတာတွေကို စာရင်းမှတ်တမ်းထားရှိတာ နဲ့ စီးပွားရေးလုပ်ငန်းရှင်ရဲ့ အရေးယူမှုတွေကို မကျေနပ်ရင် ဦးစီးဌာနကို တင်ပြတာတွေ စတဲ့ တာဝန်နဲ့ အခွင့်အရေးတွေ ရှိပါတယ်။

  • ဥပဒေကြမ်းဆန်းစစ်မှု - ခုခံအားကျဆင်းမှုရောဂါပိုးရှိသူများနှင့် ဆက်နွယ်ထိခိုက်ခံရသူများဆိုင်ရာ ဥပဒေကြမ်း

    Posted in ဥပဒေရေးရာ သုတေသန on May 21, 2020

    ကျန်းမာရေးဝန်ဆောင်မှုတွေ ရယူသုံးစွဲရာမှာ လိင်ဝိသေသလက္ခဏာ၊ လိင်စိတ်ခံယူမှု၊ လိင်လုပ်သားဖြစ်ခြင်းတွေကို အကြောင်းပြုပြီး ဥပဒေနဲ့အညီမှအပ ဖမ်းဆီးခြင်း၊ ထိန်းသိမ်းချုပ်နှောင်ခြင်း၊ အနှောက်အယှက်ပေးခြင်း၊ ဟန့်တားခြင်းနဲ့ ကန့်သတ်ခြင်းတွေ မပြုလုပ်ရလို့ ပုဒ်မ ၂၅ (ခ) က ဆိုထားပါတယ်။ ဒါဟာ တစ်ဖက်မှာ ရောဂါပိုးရှိသူရဲ့ ရပိုင်ခွင့်ကို ပေးအပ်ထားပေမယ့် တခြားတစ်ဖက်မှာ အဲဒီရပိုင်ခွင့် ရယူနေချိန်မှာပဲ ဥပဒေနဲ့အညီ ဖမ်းဆီး ထိန်းသိမ်း ဟန့်တားနိုင်တယ်လို့ ဆိုလိုရာ ရောက်နေပါတယ်။ နောက်ပြီး “ဥပဒေနှင့်အညီမှတစ်ပါး” ဆိုတဲ့ စကားရပ်နဲ့ပတ်သက်ပြီးလည်း လက်ရှိမြန်မာနိုင်ငံမှာ လိင်လုပ်သားတွေကို တရားဝင် ဥပဒေနဲ့ ခွင့်ပြုထားခြင်း မရှိသေးတာကို ဂရုစိုက်ဖို့ လိုအပ်ပါတယ်။

  • မိတ်ဆက် နှင့် အနှစ်ချုပ် - ကုန်သွယ်ရေကြောင်းသွားလာရေးဆိုင်ရာ တူးမြောင်း ဥပဒေကြမ်း

    Posted in ဥပဒေရေးရာ သုတေသန on May 16, 2020

    ဒီဥပဒေကြမ်းမှာ သက်ဆိုင်ရာ ဝန်ကြီးဌာနနဲ့ ဦးစီးဌာနတို့ရဲ့ တာဝန်နဲ့ လုပ်ပိုင်ခွင့်တွေ၊ တူးမြောင်းအရာရှိ၊ ရေကြောင်းကြီးကြပ်ရေးမှူး၊ အကောက်စခန်းမှူး နဲ့ ရေယာဉ်ဦးစီးတို့ရဲ့ တာဝန်တွေ၊ နဲ့ တားမြစ်ချက်တွေ ပါရှိပါတယ်။

  • မြန်မာနိုင်ငံ၏ Covid-19 အပေါ် တုံ့ပြန်ဆောင်ရွက်မှု အစီအစဉ်များရေးဆွဲခြင်းနှင့် ငွေကြေး ထောက်ပံ့ခြင်း - လွှတ်တော်ကိုယ်စားလှယ်များအတွက်အကြံပြုမေးခွန်းများ

    Posted in ဥပဒေရေးရာ သုတေသန on May 15, 2020

    မတ်လတွင် ရေးသားပြုစုခဲ့သော ကူးစက်ရောဂါထိန်းချုပ်ခြင်းဆိုင်ရာမူဝါဒစာတမ်း၏ နောက်ဆက်တွဲအဖြစ် အာနန္ဒာ အဖွဲ့နှင့် Westminster Foundation for Democracy (WFD) အဖွဲ့တို့ ပူးပေါင်း၍ ဤစာတမ်းတိုနှင့်အတူ လွှတ်တော်ကိုယ်စားလှယ်များအတွက် အစိုးရကို မေးမြန်းနိုင်မည့် အကြံပြုမေးခွန်းအချို့ကို မေလ ၁၈ ရက်နေ့၊ လွှတ်တော် ပုံမှန် အစည်းအဝေးအမီ ရေးသားပြုစုခဲ့ပါသည်။ ဤမေးခွန်းများကို လွှတ်တော်အစည်းအဝေးများတွင် ထည့်သွင်းဆွေးနွေး မေးမြန်းနိုင်မည်ဟု မျှော်လင့်ပါသည်။